Gleðilega páska

Jæja ég vaki og ligg hér yfir bókum, greinum og vefsíðum um Motivational Interviewing eða hvatningarviðtölum.   Mjög spennandi allt saman og takið eftir eitthvað komið á blað!! vonandi á skiljanlegri ÍSLENSKU, annars verð ég bara að fá einhvern íslenskufræðing til að hjálpa mér að orða þetta öðruvísi

Markmið mitt núna er að klára þennan kafla að mestu! eða svona það sem ég kemst yfir fyrir svefn.  Er ótrúlega óörugg eitthvað með þetta, hvar á ég að setja tilvitnanirnar, hvernig á ég að orða þetta?  hvort á ég að segja þetta svona eða svona?  Greinaskil hér eða eftir næstu setningu? og svona mætti lengi telja  hahaha jájá ég er að skrifa b.a. ritgerð og líður eins og 5 ára krakka sem þarf að skila mastersritgerð í latínu   þarf að loka á þessa minnimáttarkennd og koma mér í þá hugsun að ég get þetta og hana nú!!! 

Ég meina af hverju get ég þetta ekki eins og Systa eða allir hinir?  Elsku Systa ofurskutlan mín í náminu gerði sér lítið fyrir og kláraði ritgerðina fyrir páska, samhliða því að undirbúa fermingaveislu sonar síns.  Ég meina hún er bara snillingur sko!!!  Þau eru það nú öll sömul sem hafa ennst námið þessi fjögur ár, hehe já ótrúlegt alveg við byrjuðum að ég held 28 og erum eftir 8 og þar af erum við 5 sem stefnum á útskrift!!!

Jæja ætla að halda áfram að lesa um Wiliam R. Miller og Stephen Rollnick og alla þá snilldar speki sem þeir lögðu fram

Eigið góðan páskadag, líklega sef ég hann að mestu af mér en passið að borða ekki yfir ykkur af súkkulaði hehe - geymið það frekar handa mér

knús og kram Elísabet

 

hver fer hægar en snígillinn?

ÉG!!!  Þetta gengur það hægt að mér finnst ég fara tíu skref aftur á bak og eitt áfram   Hvernig á maður að halda geðheilsunni eiginlega?? 

Fór að sofa þegar ég kom heim úr vinnunni eða um kvöldmatarleytið í gær og ætlaði mér að sofa til klukkan 23.00 og byrja svo að læra og læra í nótt.   Það henntar mér nefnilega yfirleitt best að læra á nóttunni því að ÉG ER SVO FORVITIN að ég má ekki missa af neinu hehe þar sem lítið er að gerast í netheimum og fáir vakandi á nóttunni þá held ég mér meira við efnið!!! ENNNN nei nei skvísan mín hringdi sturluð úr hræðslu klukkan 22.00 og hafði þá faðir hennar skutlað henni heim til ömmu hennar og þar var allt slökkt og enginn heima!!! Skvísan er sjúklega myrkfælin og eina símanúmerið sem hún mundi í þessu ástandi var síminn hennar mömmu, greyið litla var bara í sjokki og engan veginn að höndla þessar aðstæður enda ekki há í loftinu.   Ég hafði hana á einni línunni meðan ég hringdi úr hinum símanum og lét sækja hana.  Spjallaði svo við hana og róaði þangað til hún var sótt.

ÉG MEINA AÐ SKUTLA BARNI HEIM ÁN ÞESS AÐ ATH HVORT EINHVER ER HEIMA KLUKKAN 22 AÐ KVÖLDI!!  jájá ég var gefur að skilja svolítið reið... en svona erum við mismunandi...

Ég var því svolítinn tíma að ná mér niður aftur en langaði að sofa í 1 tíma í viðbót haha þreytan að gera vart við sig!! talaði svo við ástina og hann ætlaði að hringja í mig klukkutíma seinna en nei nei hann ákvað að vera góður við gellunna og leifa henni bara að sofa, ég sofnaði því fastasvefni og rankaði við mér klukkan 6 í morgun!! fannst nú ekki taka því að vakna þá haha svo ég snéri mér á hina hliðina og svaf til klukkan 10.00!!! mín búin að sofa í næstum því 14 tíma!!  meira en ungabarn!

Fór fram og las NORSKU en klukkan 13.00 var ég komin með dúndrandi hausverk svo ég skreið enn eina ferðina inní rúm og svaf til klukkan 17.00  hvað er í gangi?????

Ég ætti að geta lært í nótt, úthvíld!!!  Stundum tek ég svona svefnmaraþon eftir mikið álag og eftir þvi sem ég leifi mér að sofa meira, þá þarf ég meiri svefn!!

ææiii pínu pirruð út í sjálfa mig, veit samt að ég þurfti svo á þessum svefni að halda og vona að ég verði bara kraftmeiri í nótt.   Ég læri og læri og nýt tímann eins vel og ég get BARNLAUS,, en er svo með móral yfir því að afreka ekki meira þegar ég hef ekkert um annað að hugsa en sjálfa mig MEÐVIRKNI HVAÐ!!!!

knús og kram

Elísabet úthvílda en vantar samt orku

Flutt aftur heim og EIN í kotinu...

Jæja núna er ég bara alein í kotinu, reyndar gulli gullfiskur hérna líka sem ég notabene er að fatta að hann á eftir að fá matinn sinn, fer í það núna svo ég gleymi því ekki aftur ................................ 

Jæja búin að gefa "gulla" að borða, ég kalla hann bara Gulla því ég veit barasta ekkert hvað hann heitir hehe, hún Sólveig tók hann í fóstur meðan vinkona hennar fór í 10 daga skíðaferð, en sú skíðaferð er orðin humm líklega 2 mánuðir :-) 

Annars ritgerðarvinna hér, skrítið að vera svona einn í kotinu, ég barasta læri þegar ég get, set í þvottavélina þegar ég nenni, geng frá þvotti þegar ég nenni, les skólabækurnar þegar ég nenni, fer að sofa þegar ég þarf, vakna þegar ég er úthvíld og reyni svo að koma mér í lærdómsástand þegar ég þarf á því að halda....   er þetta ekki bara lúxus?   eða jú ég gleymdi, ég náttúrulega borða þegar ég NENNI... ææii lítil svengd hérna þessa daganna.

Svo fór ég og keypti svaka töfrablómadropa, eitthvað sem ég hef aldrei prófað en þessir dropar eiga að koma huganum í gang, sem hefur nú reynst mér frekar erfitt þar sem hann blessaður sko huginn þarf alltaf að vera út og suður, upp og niður og þvers og kruss

Nú jæja ferðin austu gekk vel og það var bara rosa gaman að spjalla við Mumma og Pál, ég og Mummi vorum bara sammála um margt og fékk mig einmitt til að sjá marga hluti frá öðru sjónarhorni, bara fróðlegt og skemmtilegt.

Ég á nú líklega eftir að gera aðra ferð austur þegar ég fer að vinna kaflann um Götusmiðjunna nákvæmlega, en nú er bara að skrifa heimildavinnuna og OMG hvað mér finnst ekki auðvelt að lesa þessar fræðibækur á ensku, norsku og þýsku   hefði viljað fá eitthvað af þessari tungumálagreind sem sumir fá :-), en ég hef bara aðrar greindir

Ætla að fara að koma mér í HUGARÁSTAND með hjálp blómadropanna sem bíða mín hérna í flöskum sem standa hérna í kringum mig, vers bara hvað þeir eru ekki góðir á bragðið   en hvað gerir maður ekki til að ná fullkomnu jafnvægi og einbeitingu?

knús og kram og endilega sendið mér lærdómsstrauma, ef þið eruð galdrótt þá megið þið alveg senda mér tungumálagreindina þó svo að það væri ekki nema bara EINN DAG!!!

Þegar ég var í Englandi síðasta sumar þá voru allir kennararnir mínir svo hissa að við gætum ekki farið í háskólanám á Íslandi öðru vísi en að vera fær á öðru tungumáli, þeim fannst þetta svo fáránlegt að þau töluðu bara um mannréttindabrot hehe ég sagði þeim nú að Ísland væri svo lítið að það væri nú bara ekki fjármagn né geta til að þýðar allar fræðibækur á Íslandi, en guð hvað skólalíf væri þá auðvelt!!!

knús og kram  Elísabet

flutt að heiman

og uppí skóla... jájá börnin komin í fóstur og ég því komin í útlegð við ritgerðarskrif, verst bara að ritstíflan er að gera mig klikkaða, eða kannski bara skipulagsleysi og agaleysi? 

æiii er svolítið svartsýn á að ég nái að klára lokaverkefnið á tilsettum tíma, en það verður bara að koma í ljós.  Vantar því fullt af orku, ritgerðarstraumum og hlýjum hugsunum svo ef þið eigið eitthvað að deila þá er hún vel þegin

Annars bara gott að frétta af börnunum, stóru skvísurnar léku sér á skíðum í Tindastól í allan dag.   Afi gamli keyrði þeim uppí fjall í hádeginu og sótti þær svo aftur eftir vinnu, nóg að gera hjá gamla settinu :-)

Ætla að halda áfram hérna, mikil vinna á morgun.  Fer austur í heimsókn í Götusmiðjuna og hlakkar mig mikið til að skoða það og spjalla við starfsfólkið en það kraumar nú samt líka smá kvíðahnútur hehe ekkert alvarlegur bara lítið sjálfsstraust og því erfitt að mæta einn á svona staði

knús og kram

Elísabet

Einelti - hvatvísi - aspergerheilkenni - höfuðáverkar

Þetta er ALLT mér skylt eða svona að mestu.

Ég er virkilega slegin yfir þessari frétt og gjörsamlega orðlaus yfir dómstólum okkar.   Ofan á þetta allt saman er ég líka algjörlega orðlaus ef það er rétt að kennarar í starfi, séu ekki slysatryggðir.  Það sé barnið sjálft sem beri skaðabótaskyldur vegna afleiðingar svona SLYS....

Ég varð fyrir mjög alvarlegu og langvarandi einelti í minni barnæsku og er það eitt af því erfiðasta sem ég hef gengið í gegnum, flestir skóladagar mínir voru HELVÍTI Á JÖRÐU!!!

Stundum faldi ég mig inná WC og stóð uppá klósettinu svo enginn sæi að ég væri þar inni þegar kíkt var inn á klósettálmuna. Oft hljóp ég þangað inn og skellti á eftir mér hurðinni til að forðast ofbeldi. Sem betur fer urðu ekki alvarleg slys á öðrum á þessum flótta, en oft sá á mér.  Ekkert var gert.  Það að vera í flótta undan einelti er þekkt og oft sú eina lausn sem fórnalamb eineltis sér.

Ég á barn sem er með greininguna einhverfurófsröskun, ótilgreind.   Barn með aspargerheilkenni höndlar oft ekki félagslegt áreiti og er því eins og ég sé þetta mjög skiljanlegt að hún hafi stokkið inní rými sem hún gat lokað sig inni í þessum aðstæðum.  Hún hefur eflaust verið að kljást við margt og þetta hennar eina "lausn" til að komast út úr aðstæðunum. 

11. ára gamalt barn hefur alveg pottþétt ekki ætlað að skaða kennara sinn þannig að hann verði fyrir því að fá 25% skaða.  Ég veit nefnilega líka hvað það er að vera alltaf kvalin og það er sko langt í frá eitthvað sem maður velur sér.   En af hverju að SAKAST VIÐ BARNIÐ!!! er ekkert spáð í það að þarna var barn sem þarfnaðist sér úrræðist jafnvel og einnig að um slys var að ræða, hvar koma þá tryggingar skólanna.  Börnin eru tryggð fyrir slysum, en eru kennarar ekki tryggðir?

Ég þekki líka vel til hvatvísis og er það sem mörg börn á einhverfurófinu og einnig börn með ADHD þurfa að kljást við.  Ég get svo með sanni sagt ykkur að þetta er ekki auðvelt og það veit ég sjálf. 

Ég get því sett mig í spor beggja aðila eða foreldra barnsins og kennarans.  Auðvitað á kennarinn að eiga rétt á skaðabótum vegna þess slys sem hann lenti í.  Það að gera foreldra barnsins skaðabótaskylt gagnvart þessu slysi finnst mér algjörlega fyrir neðan allar hellur.  Ég get bara ekki orða bundist og velti fyrir mér hvort börnin mín geti lent í svona aðstæðum í skóla sínum og þá er ég sko enginn borgunarmanneskja fyrir því.  

Mér finnst sorglegt hvað sumar umræðurnar hérna á netinu hafa þróast uppí uppeldisásakanir.  Ekkert annað en FÁFRÆÐI og FORDÓMAR í garð foreldar FATLAÐRA barna!!!!  Því hvatvísi, einelti, asparger, einhverfa hefur EKKERT MEÐ UPPELDI AÐ GERA!!!!

Ef svo er að þetta barn verði dæmt til að greiða kennara sínum skaðabætur í Hæstarétti þá tek ég undir skrif einhvers hérna á netinu í dag að hefja söfnun og mótmæla þessum dómi harkalega.  

Hvert verður svo framhaldið?  Ef barn með ADHD/hvatvísi/mótþróaröskun/  fær "kast" í skóla vegna utanaðkomandi áreitis innan veggja skólans, eru þá foreldrarnir alltaf ábyrgðir? 

jáhá ég held að við verðum þá að sjá dóma í hverri viku eins og USA um börn sem "skaða" aðra vegna aðstæðna sem þau ráða EKKI VIÐ....

jæja get látið meira flakka hérna en ætla að stoppa núna...

Dæmd til að greiða kennara 10 milljónir í bætur

Stolltasta mamman

jájá og það er sko alveg rétt.  Ég er alltaf svo stollt af dætrum mínum, eða svona næstum því hehe maður er nú kannski ekki stollt af þeim þegar þær taka sín frægu frekjuköst á mömmu sína fyrir framan fullt af fólki :-)  en það er nú allt að koma til og skvísurnar alveg að læra að kunna sig og vera góðar við mömmu sína :-)

Um daginn fékk ég bréf frá miðskvísunni minni, þau áttu að skrifa falleg bréf til foreldra sinna í skólanum og fengu umslag til að loka því og senda okkur :-)  Innihaldið er mér svo kært, "þú ert besta mamma í heimi, þú ert alltaf svo góð við mig, ég mun alltaf elska þig" er brot af því sem skvísan mín skrifaði til múttunar sinnar :-)  Restin af bréfinu snerti ennþá meira við mér en það læt ég nú ekki frá mér á netið.   Ég mun alltaf varðveita þetta og vá hvað svona lítið saklaust bréf getur snert við manni og gefið manni meira bros en daginn áður :-)

Annars eru þær að standa sig alveg svakalega vel á skíðunum, kepptu báðar um helgina og enduðu í 5. sæti og fengu báðar að fara uppá pall.   Harpa Katrín fékk því sinn fyrsta skíðaverðlaunapening en Sólveig sinn fjórða :-)  Æðislegt alveg, enda eru þær lang duglegastar.   Núna verður múttan bara að fara að reyna að skrapa saman money til að kaupa ný skíði, því skíðin þeirra eru bara búin á því :-(

Innanfélagsmót næstu helgi og þær stefna á annað sætið þar :-) 

Annars allt gott að frétta af yngri skvísunum, þær eru bara kátar og hressar.

Er 5 barna mamma núna um helgina, Ardís Heba litla skvís í pössun hjá okkur.  Rebekka alveg að missa sig yfir Ardísi sinni og eiginlega búin að breytast í eitt stykki 1. árs Ardís Heba.   Vill gera allt eins og bað meira að segja um beiju eins og hún haha

Læt þetta duga í bili

Kveðja Elísabet

Blogg leti

Sæl verið þið

Jæja það er sama bloggletin hér, eða kannski svona mikið ANDLEYSI!!!!

Hér er sko ansi mikið búið að gerast síðan síðast enda aldrei lognmolli í kringum okkur.

Stelurnar stóru kepptu í tveim skíðamótum síðustu helgi og stóðu sig FRÁBÆRLEGA.  Í fyrramótinu endaði Harpa í 8.sæti og Sólveig í 6.sæti. Á seinna mótinu lennti Harpa Katrín í 7. sæti og var bara hársbreidd frá verðlaunasæti.  Sólveig Birna endaði svo í 6. sæti þrátt fyrir að hafa misst af einu hliði og þurft að hlaupa upp fjallið á skíðunum :-) Hún fékk því að fara uppá pall og hlaut að launum verðlaunapening og hitabrúsa :-) 

Þetta er FRÁBÆR árangur hjá skvísunum og er ég náttúrulega súper stollt af þeim....

Ég er LOKSINS komin af stað í lestri og vinnu að B.a. verkefninu og vonandi mun það allt ganga upp. 

jæja svolítið andleysi hér en vildi bara láta ykkur vita að við erum á LÍFI

kveðja Elísabet

heilarit

Jæja núna var loksins komið að þessu, ég átti alltaf von á símtali í morgun eins og síðast, en nei ekkert símtal og því græjuðum við okkur til að fara í rannsóknirnar. 

Ég var búin að fara aftur í gegnum ferlið "félagsfærnisöguna um heilarit"  sem ég samdi af minni snilld :-)   Rebekka var klár, þrátt fyrir að hafa gert tilraun til að mótmæla en sættist svo á að leifa okkur að laga sig eins og hún orðaði það svo snilldarlega.    En ég ræddi aldrei við hana um að það ætti að fara að laga eitthvað, heldu bara að skoða hausinn og hárið :-)

Nú þegar við keyrum að spítalanum þá byrjar Rebekka að mótmæla "NEI MAMMA"  hún mundi sko alveg eftir þessum stað og sú reynsla var ekki góð eftir "slagsmálin" við að reyna að taka heilaritið með hana alls gáðri.  Ég reyndi að segja henni aftur að hún myndi ekki finna neitt til og allar konurnar væru góðar og ég líka :-)

Hún sættist á að fara inn og þegar við komum uppá skurðdeild barna þá tók á móti okkur kona í hvítum slopp, mín rauk til og við tók eltingarleikur um spítalann.  Hún ætlaði sko EKKI ÞARNA INN....  Á endanum fékk hún ekki val og mamman tók hana í fangið og inná deild og þar inní herbergi, við tók mikil sáttarmeðferð þar sem gull og grænir skógar voru boðnir en ekki þáðir.  Mammsan reyndi margt og mikið en fékk skýrt svar NEI...  Við hittum svaka sætan strák sem heitir Brynjar Logi og mamma notaði hann óspart til að tala mig til, en nei á móti skyldi hún vera.   Mamma setti innlagnar armbandið á mig eins og Brynjar var með og festi það, en ég tók það af mér, þrátt fyrir að mamma hafi sett það frekar þröngt :-) Jájá Rebekka ræður hehe

Nú mín róaðist aðeins og ég bauð henni að hringja í símanum mínum, bauð henni að hringja í Elvar pabba en nei, hringja í Halldór pabba en nei vildi það ekki heldur.  En hún sagði þá "ég vil Stebba afa"  Svo litla daman fékk að hringja sjálf í Stebba afa og svo talaði mín alveg heillengi í símann og ég hélt náttúrulega að pabbi væri á hinni línunni hehe nei nei skvísan var bara að tala inná símsvarann hjá afa sínum :-)  Svo hún fékk þá að hringja í Ollý ömmu sem spjallaði við hana í smá stund.

Skvísan fékk svo svo kæruleysistöflu og var fljótlega orðin svolítið sljó.  En svo fékk hún róandi í vökvaformi i rassinn og varð skvísan alveg brjál, talaði um "vondu konuna sem meiddi rassinn" lengi á eftir, þetta fór frekar öfugt í hana því hún gat sko ekki verið kjur, var mjög "lyfjuð" en róaðist ekki, var öll á iði en gat það samt ekki því jafnvægisskynið var ekki í lagi, ég þurfti því að halda alveg við hana og reyna að róa hana, hjúkkurnar ákváðu svo að við myndum reyna að svæfa hana og lagðist ég uppí hjá henni og var dregið fyrir í herberginu, en nei það er sko ekki nótt klukkan rúmlega 11 að morgni og hún ætlaði sko ekki að fara að sofa, var ný VÖKNUÐ.... Þetta tók rúmlega hálftíma sem ég þurfti að reyna að tjónka við barnið og reyna að ná henni niður, ég var alveg að gefast upp aðallega vegna verkja í bakinu við þetta þegar allt í einu, í einu garginu slökknaði á minni og sofnaði hún í mjög svo skemmtilegri stellingu.

Það var frekar furðulegt ástand á móðirinni, því það sem vall uppúr elsku prinsessunni minni áður en hún sofnaði var bara SNILLDIN EIN, ég gat ekki annað en brosað og stundum bara hló ég.   Húmoristin sem hún er, hún er bara frábær.  En ég var líka þreytt, rosalega erfitt að vera í þessu ein og jafnframt kannski svolítið pirringur yfir því líka, en ég hef nú bara ekkert val með það.

En um leið og skvísan sofnaði var brunað með rúmmið og náttúrulega skvísuna líka niður á taugarannsóknadeild og hún tengt öllum snúrum og kveikt á græjunni, hún var meira að segja kvikmyndastjarna í leiðinni, því þetta var allt tekið líka uppá videó :-)

Mamman spjallaði bara við hjúkkurnar á meðan og voru þær nú aðallega að forvitnast um kraftaverkabarnið sem Rebekka er :-)  Og ég leifði þeim líka alveg að vita það að hún er sko flottust..  Þær voru svo hissa að Rebekka væri bara 3 ára því þær héldu að hún væri 4 og jafnvel 5 ára því hún er svo stór og fullorðinsleg, ekki slæmt það eða sko á þessum aldri, mammsan væri sko ekki sátt ef þær myndu segja að hún væri fullorðinsleg :-)

Nú eftir þessar rannsóknir þá var brunað aftur uppá 5 hæð og þar svaf skvísan í rúmlega 2 tíma til viðbótar. 

Þegar Rebekka vaknaði var hún svo rugluð en samt svo yndisleg.  Hún var alveg með það á hreinu hvað hún var að gera og já hverjir voru þar, hún talaði strax um konuna með brúnu AUGUN, mamman bara gafti því ekki erum við farin að tala um lit á augum og því var þetta alveg nýtt sem kom frá henni, hún talaði svo mikið um brúnu augun og konuna að þegar ein hjúkkan kom inn sem við höfðum hitt fyrr um morgunin spurði ég hana hvort hún væri með brún augu, og svarið var já hehe svo ég vildi nú segja henni það sem skvísan sagði en þessi kona með brúnu augun sem hún talaði um var sko með barn í maganum og það var STRÁKUR hehe hjúkkan hló og sagðist vera með brún augu en ekkert barn í maganum :-)

Rebekka talaði svo líka um strákinn sem var með snúrurnar í hausnum og svo talaði hún um brúnu stelpuna :-)

Hjúkkurnar vildu ekki senda hana strax heim því hún var svo máttlaus, en rúmlega 3 í dag bað ég eiginlega um að fá að fara með hana heim, var orðin hungruð og vildi bara komast heim með skvísuna.  Þær samþykktu það en bentu mér að hafa samband ef eitthvað væri. Rebekka var ekki farin að stíga í fæturnar svo ég tók veskið mitt, töskuna, dúkkuna hennar Rebekku og Rebekku sjálfa í fangið og hélt á þessu út í bíl, úfff bakið og skrokkurinn :-(  En þetta hafðist allt saman.

Rebekka var svo "lyfjuð" ennþá, það er skrítin tilfinning að horfa á barnið sitt svona en maður getur samt brosað út í annað inná milli, hún var svo krúttleg og það sem vall uppúr henni er bara tær snilld :-)  Hún elskar mig svo mikið og var sko alveg svaka dugleg að minna mig á það í dag "mamma ég ELSKA þig" hehe

Skvísan kom svo heim og borðaði 3 íspinna í einum rikk og var bara róleg, fór fljótlega aðeins að ganga en var mjög völt svo ég var hlaupandi hérna um íbúðina til að styðja hana og passa að hún detti ekki illa.  En það var svo bara "runnið af henni" að mestu um kvöldmatarleytið og fór skvísan í bað til að þrífa alla "drulluklessurnar" úr hárinu og þaðan í rúmið um níu leytið, klukkutíma seinna en vanalega en hún svaf náttúrulega svo mikið í dag.  Sofnaði vel og sefur enn.  Vona bara að hún sofi í nótt því ég þarf að vinna í fyrramálið.  Mér var nefnilega sagt að líklega myndi hún ekki sofa mikið í nótt, en vonum það besta.

Ég sýndi henni svo myndirnar sem eru komnar inná barnaland og þá var hún svo hissa og spurði hvar konan með brúnu augun og bumbuna væri, hvar strákurinn væri og hvar brúna stelpan væri.   ég reyndi að útskýra fyrir henni að hún hafi haft þau hjá sér í draumnum meðan hún svaf, en já þetta var pínu flókið en krúttlegt

Niðurstöður koma svo innan viku, en mér var sagt að það væru ekki miklar líkur að það komi eitthvað út úr þessu vegna þess að það þurfti að gefa henni lyfin, en auðvitað vonum við bara það besta

með kveðju Elísabet og Rebekka skvís

tíminn líður hratt

á gerfihnatta öld :-)

Jájá þetta er ótrúlegt, hver vikan fíkur áfram og ég afreka EKKERT.   eða jújú það er bara brjálað að gera í öll öðru en ég á að sinna, eða þar að segja SKÓLINN.   Er að renna á rassgatið með þetta allt saman svo mikið að gera í uppeldi og umönnun barnanna.   Keyra hér og keyra þar, sækja hér og sækja þar, fundur hér og fundur þar, aðstoða hér og aðstoða þar og þannig get ég haldið áfram ENDALAUST!!

Nú Rebekka er ekki enn búin að fara í heilaritið, þetta ætlar að ganga eitthvað erfilega.  Hún átti að fara fyrir rúmri viku síðan, en þá vildu þau ekki fá hana vegna þess að hún var svo ný búin að vera með hlaupabóluna, svo átti hún að mæta í gær.  Klukkan 07.30 var hringt í mig og mér tjáð að tímanum hafi verið frestað vegna neyðartilfella.  Nú jæja við áttum þá tíma klukkan 13.00 í dag.   En svo hringir hjúkkan sem vinnur með Ólafi Thor og þá láðist þeim að skoða skýrsluna hennar Rebekku og verður þessi rannsókn ekki gerð nema að hjúkkan sé einnig.   Svo við vorum beðnar um að fresta þessu um viku.  En þá er ég á leiðinni út úr bænum svo ég neitaði því og þá var farið í að leita af tíma sem henntaði öllum aðilum s.s.  mér, Rebekku, hjúkkunni og taugarannsóknardeildinni.  Þetta gekk eftir og eigum við að mæta á þriðjudaginn svo framalega að ekkert komi uppá :-)

Sólveig skvís keppti síðustu helgi og lenti í 6. sæti og fékk verðlaunapening.  Ótrúlega stollt af minni og þá er það bara mótið á morgun og komast á pall þar líka :-)

bara að láta aðeins vita af mér, ætla að reyna að skipuleggja mig aðeins hérna, næsta vika eitthvað svo bissý

kv Elísabet

Ekkert blogg

Jæja lítið bloggað þessa daganna. 

Æiii þið verðið bara að afsaka en stundum hef ég bara ekki orku, oft er ég bara þreytt en stundum er bara mikið álag hér og langar mig þá bara ekkert að blogga!!!

Ég sló niður aftur og endaði hjá lækni og fékk pensa!!  Missti röddina á föstudag og er enn hálf raddlaus.

Ástín mín stóð sig eins og sönn stjarna á föst kvöldið, hann var bara geggjaður og váá hvað ég var stollt af honum,  söng svo vel og var í svo miklu jafnvægi allt kvöldið, við vorum sko síðustu út úr húsi haha.

Áttum yndislega helgi, mikið barnlaus sem gerist alveg örsjaldan og var alveg kominn tími til að hlaða aðeins batteríin.  Hittum nálapúðanna vinkonurnar mínar úr Húsó 95 og sykurpúðanna þeirra - sko mennirnir þeirra haha   Líka svaka gott kvöld, en vorum svolítið þreytt samt.

Mið skvísan keppti svo á skíðum í dag og stóð sig svakalega vel, kom heim með sinn fyrsta verðlaunapening í skíðaíþróttinni og er mamman náttla óendanlega stollt af minni.

Núna er svo að hella sér í rannsóknavinnu, koma sér í samband við alla og reyna að finna tíma til að taka rannsóknarviðtölin.  Þetta ógnar mér svolítið, ææii ég veit ekki, finnst ég vera orðin svolítið "feimin"  þetta á eflaust við um sjálfsstraustið en ég tækla þetta eins og allt annað hehe

knús og kram

Elísabet