Ég er að fara útskrifast

haha mín fór í "hvatningarviðtal" til nema í námsráðgjöf í KHI, hún var svo elskuleg að taka mig "AÐ SÉR" hehe er sem sagt smá vettvangsverkefni fyrir hana í starfsnáminu.......  Þarna sannaðist enn og aftur hvað svona feedback hefur mikil áhrif...

Henni fannst ég bara vera komin mjög langt :-) (ég veit alveg að ég er ekki komin langt, en samt gott að heyra þetta haha)  og það væri bara fráleytt að ég myndi EKKI klára þetta.

Nú jæja ég lærði til 7.30 í morgun og svaf svo til 10.30 - 3 tíma svefn er alltof lítill og er ég því alveg að lognast útaf hérna í KHI

Ætla að læra smá meira og fara svo heim að SOFA!! lærdómur aftur í NÓTT

Elísabet jákvæða

úfff stress!!!

Jájá ég er bara hætt að sofa.. Fór að sofa kl 2 í nótt og klukkan 4.30 glaðvakanaði ég og gat ekki sofnað aftur þannig að mín fór fram og dritaði niður texta haha held að einhver hafi vakið mig með þessum krafti.  Var orðin ofþreytt klukkan 9 í morgun svo ég skreyð uppí rúm og svaf heila 2 tíma, vaknaði og ætlaði aldrei að sofna aftur.  Náði svo einum klukkutíma eftir hádegi.

Er búin að vera út í skóla í dag og já afrekað aðeins.  Er að fara að hitta aðstoðarkonuna mína á morgun og er svolítið kvíðin..  ææii veit ekki af hverju, er að telja sjálfri mér í trú um að hún muni henda ritgerðinni eins og leggur sig í hausinn á mér haha jájá maður er greinilega ekki að læra af öllum þessum meðferðarleiðum sem ég er að grúska í :-)

Eyddi núna svolitlum tíma í að setja upp ritgerðina eftir leiðbeiningum um lokaverkefnaskil.  Svona handavinna tekur alveg ótrúlega mikinn tíma.   Er komin í heilar 15 bls í heildina jájá en það er bara samt dropi í hafið sko!!

Ætla að halda áfram

kveðja Elísabet

ææiiiiii

Hausinn er einhversstaðar allt annarsstaðar en hann á að vera   ég næ mér ekki aftur af stað, afrekaði því miður ansi lítið í nótt............. datt alltaf inní að ráfa eitthvað um á NETINU   ég meina, hvað er að mér??? fulloðin og held mér ekki við efnið gargggg hvað þetta pirrar mig og ég læt þetta pirra mig ansi mikið en nei nei held áfram að missa stjórn!!!

Er því í svartsýniskasti þó svo að allir segi að ég geti þetta jájá takk fyrir kommentin elskurnar en þá vantar mig trúnna   Er að spá í að fara bara að sofa núna í staðin fyrir að halda áfram að vafra hérna um, leyta af gömlum félögum á facebook o.s.fr.v kommon sko!!! 

Annars fór ég í apotek í gær og keypti einhvern HUGES krukku af vítamínsskömmtum, búið að setja slatta af vítamínum saman í litla sellopoka þannig að það er bara einn poki á dag, mjög einfalt og þarf ég þá ekki að opna allar þessar krukkur :-)  Annars er þetta orðin ansi stór skammtur af lyfjum/vítamínum já og ekki má gleyma brennslutöflunum sem ég keypti líka í apotekinu hehe  kannski að ég ætti að telja hvað ég er að taka inn margar töflur á dag humm með öllum vítamínum, brennslutöflunum, ab gerlunum og lyfjunum eru þetta örugglega yfir 20 töflur á DAG....  úfffpúfff

Las lyfjalýsinguna á enn einu lyfinu sem ég var að byrja á og gat ekki annað en hlegið hehe  "lyfið er notað við meðhöndlun á svæsnum gelgjubólum" já ég er GELGJA!!!

kv Gelgjan

 

Þreytublogg

Ohhh verð að pústa enn einu sinni.   Ég gæti svo óskað þess að ég myndi hafa súper ensku kunnáttu, þó svo að það væri ekki nema bara einn-tvo daga!!!!   Ég er að verða KLIKK á því að reyna að þýða þessar kenningar, finna nöfn á öll þessi hugtök og koma því skiljanlega niður á blað

Ég meina ég reyni að lesa, skil um hvað þetta fjallar svona nokkurn veginn, svo þarf ég að koma því í orð og þá er bara allt strand.  Farin að googla eftir því hvort ég finni ísl heiti á þessu en nei nei eitthvað takmarkað finnst af því

Fór með dóttir mína elstu í sjúkraþjálfun í gær, frábært Ástralskur sjúkraþjálfi sem talar náttúrulega ensku og við fórum að tala um tungumálakunnáttu.  Dætur mínar virðast ætla að fá þessa "tungumálafötlun" eins og ég hef stundum kallað þetta.   Þær sitja greyin yfir bókunum og reyna að læra þessi ensku orð en það gengur svo hægt.  Ég var svona, alveg sama hvað ég las og lá yfir þessum ensku kennslubókum þá bara lærði ég þetta ekki.  Þýddi og þýddi, glósaði og glósaði en allt kom fyrir ekki enskan ætlaði ekki inn í minn litla heila!!!    en í spjalli okkar sjúkraþjálfarans fórum við að ræða þetta hvað sumum er gefið að læra tungumál og öðrum ekki.  Hann er búinn að vera hérna í nokkra daga og kann fullt af íslenskum orðum svo þetta liggur hjá honum.  Ég sagði honum frá minni reynslu og eftir enskunám siðasta sumar gengur mér ágætlega að skilja fólk, en þegar ég á að fara að svara þá bara kemur ekkert.  ÓTRÚLEGT!!!!  En ég gat nú samt gert mig skiljanlega og þýtt fyrir skvísuna, en hann var einmitt svo hissa á því hvað hún virtist skilja litla ensku.  Hann spurði mig hvort hún væri ekkert að horfa á sjónvarp og svarið er NEI, hér er TV nánast aldrei kveikt, ekki einu sinni horft á fréttir hvað þá annað.   Ég held að þetta sé hluti af því að við náum ekki að meðtaka þetta.   Ég hef aldrei nennt eða haft þolinmæði til að sitja yfir þessum blessaða imba, horfði ekki einu sinni á teiknimyndir hvað þá annað.   SVO boðskapur þessi er Sjónvarp getur verið kostur í HÓFI hehe

Kannski ef ég hefði fengið að læra stærðfræði á ensku, hefði ég þá kannski lært hana hahaha????

Jæja ætla að halda áfram, önnur lærdómsnótt framundan, er reyndar orðin ansi þreytt og ætla ekki alveg að læra í alla nótt, kannski til 5

Nú er það lestur um Carl Rogers og meðferðarform hans.........

kv Elísabet

góðan daginn!

jájá ég er að skríða á fætur hehe enda vaknaði ég fyrir klukkan 8 í gærmorgun og fór ekki að sofa fyrir en klukkan 10 í morgun.   Var súperdugleg í nótt, ákvað að leggja aðeins fræðibækurnar til hliðar og gera kaflann um Stuðla.   Er komin asni langt með hann og ótrúlegt hvað blaðsíðutalan í ritgerðinni hefur mikið að segja haha, allt í einu er ég orðin svaka bjartsýn og bara jújú ég klára þetta hehe!!

1/4 búinn núna svo ég fer vonandi að telja niður hehe

kv Elísabet

Ritgerðarmaraþon

Afsakið langlokuna hér að neðan.  Las yfir þetta áðan og OMG hef greinilega verið MJÖG ÞREYTT þarna í gærkveldi og já ALVEG BÚIN Á ÞVÍ hehe  fullt af ritvillum og allt í belg og biðu hehe...  Ég skrifaði líka um veikindi stelpnanna stóru þegar þær voru litlar en humm það hefur ekki uppfærst.  Svo þið heyrið kannski bara af því síðar hehe

Er allt önnur í dag.  tók ákvörðun!!! jájá ég ætla bara að hugsa um MIG og hana nú. 

Hér er ég, um mig, frá mér til mín?   Hvenær hef ég hugsað svona?? 

En já fyrst aðrir geta gert það þá hlýt ég að afreka það, þó svo að það væri ekki nema í eins og eina viku

Ég meira að segja neitaði þeim á Stuðlum um vinnu, það vantaði í kvöld og næstu daga og ég bað þá bara að hafa samband í næstu viku :-)  já ég gat þetta, ég sem kann ekki að segja nei.

Ég stefni á að læra í alla nótt, koma skvísunum svo í skólann og fara að sofa.  Þetta er bara minn tími og verð ég að nýta hann vel. 

Ég fékk mikið knús frá karlinum mínum í gær, þurfti svo á því að halda og held barasta að hann hafi gefið mér súperorku.  Líður betur í dag og ætla bara að taka einn dag í einu.

Læt þetta duga í bili og vona að ég vinni endalaust af orku núna, passið ykkur á mér ég er orkusuga þessa daganna, svo ef þið getið ekki misst orku þá skulið þið bara sleppa því að hafa samband

Ef ykkur langar að fá lánuð eins og 4 börn þá vitið þið hvar þau eiga heima, móðurlaus greyin þessa daganna.  Pabbinn á heimilinu kemur reyndar úr vinnu á miðvikudaginn en fer aftur í vinnu á sunnudag.

kveðja Elísabet

 

Erfið vika að baki

Jæja þá er ansi erfið vika að baki, ég vona að næsta vika gefi mér orku,kraft og ró til að ná áttum og klára lokaritgerðina.   Ef ekki þá bara klára ég hana í sumar :-(

Síðastliðinn mánudag lést amma stelpnanna minna mjög snögglega og er það alltaf erfitt á svona dögum.  Það sem var erfiðast var ástandið á okkur foreldrum stelpnanna minna.  Ég er orðin svo langþreytt á þessu og allar þær tilfinningar sem koma í framhaldi af svona álagi sem er búið að vera síðastliðin 2 ár.  Ég ætla ekki að fara nánar út í þetta hér en guð minn góður hvað ég myndi vilja hafa hlutina öðruvísi, ég fæ því miður lítið ráðið um það og verð því bara að halda áfram að stiðja og styrkja dætur mínar, þær eru jú það dýrmætasta sem ég á.

Mig langar að vitna í bloggfærslu frá Eygló http://benjonikla.blog.is/blog/benjonikla/  þar sem hún talar um þeirra líðan og vitnar í að við getum svo sannarlega verið hamingjusöm, þó svo að okkur sé illt í sálinni. Þetta á sko alveg við hjá mér, er mjög hamingjusöm með það sem ég á í dag, líður vel með minni fjölskyldu og er sátt við sjálfa mig....... ENNNNNN mér líður ansi oft illa í minni sál, þið sem þekkið mig vitið af hverju það er og vona ég hvert einasta kvöld að þegar ég vakna á morgun geti allt gengið vel og allir góðir við alla.  En þar sem ég er ekki sá sem ræður þá verður þetta bara að vera í mínum vonum/óskum, ég er því miður orðin ansi svartsýn á að þetta geti orðið og ef það yrði að það væri of seint fyrir stelpurnar.  Ég vona svo sannarlega að það verði ekki, tíminn einn verður að leiða það.

Elsku dætur mínar fylgdu ömmu sinni svo í hinsta sinn á laugardaginn með mömmu sína sér við hlið, þær stóðu sig mjög vel og er ég rosalega stollt af mínum skvísum. Allt það mótlæti sem þær hafa þurft að ganga í gegnum á þeirra stuttu ævi er allt of mikið og ætla ég mér að gera allt mitt besta til að reyna að hjálpa þeim að takast á við það á skynsamlegan hátt.  Ég mun aldrei vanvirða þeirra tilfinningar heldur þvert á móti þá mun ég og hef alltaf gert að hjálpa þeim að takast á við sínar tilfinningar, tjá sig og leita lausna á sinni líðan.  Þetta er ansi oft erfitt og flókið viðfangs, en sem betur fer hef ég fagfólk á sínu sviði mér til halds og trausts.

Elísabet amma mín, fyrirmynd mín átti 90 ára afmæli á fimmtudaginn.  Amma eignaðist 12 börn með Skarphéðni afa, hún tók einnig að sér önnur börn og ólust 2 börn afa upp að mestu hjá ömmu.  Það var því oft glatt á hjalla og mikið fjör á Gili.   Þegar ég var lítið ætlaði ég mér alltaf að eignast 12 börn eins og amma, enda er ég alnafna hennar og það sem ég hef líka er mikil barnakerling.  Ég eignaðist 2 yndislegar dætur með 11 mánaða millibili og var gert mikið grín af þessu því ég sagðist alltaf ætla að eignast 12 börn.  20 ára gömul var ég komin með tvö og hafði því nógan tíma til að klára hin 10!!!!   en nei nei ég er skynsamlegri en það og ætlaði mér því alltaf að eiga fjögur. Í dag á ég fjórar dætur, ein af þeim eignaðist ég reyndar ekki fyrir en hún var orðin 4 ára en hún er nú samt dóttir mín

Elísabet amma er ótrúlega frísk og var einmitt sagt í einni ræðunni i afmælisveislunni í dag að hún gæti verið að halda uppá 70 ára afmælið sitt, svo hress er mín.  Býr ein í stóru húsi, prjónar heilu flíkurnar og missir sko ekki af Glæstum vonum eða Leiðarljósi :-)  Amma á 124 afkomendur og er fjölskyldan því orðin ansi STÓR þegar makar eru líka með.  Ég er svo stollt af ömmu minni sem kenndi mér svo margt, ég fór til hennar á hverju kvöldi frá 6 ára aldri og þangað til að ég flutti að heiman, með smá hléum reyndar og svaf hjá ömmu.  Hún kenndi mér faðir vorið, hún hjálpaði mér oft að læra, hún gaf mér morgunmat, hún fór með bænir með mér.  Stundum sat ég á rúmstokknum hjá henni heilu klukkutímanna að spjalla og þegar við rönkuðum við okkur var klukkan náttúrulega orðin allt of margt.  Mér finnst forréttindi að hafa getað verið svona mikið hjá ömmu, en er leið yfir að vera svona langt frá henni og gefa mér ekki tíma til að hringja oftar í ömmu.   Ég ætla að bæta mig í því.

Ólöf Rún besta frænka fermdist einnig á laugardaginn, hún var fyrsta systkinabarnið mitt og hefur alltaf verið í uppáhaldi, sem og reyndar Ólína Rut líka, hún fæddist rúmu ári seinna. 

Það var því mikið um að vera hjá okkur þessa helgina, bæði gleði og sorgir enda eru það svo skylt. 

Það var því ansi lítið um lærdóm þessa vikuna, ég var til staðar fyrir dætur mínar og hafði einnig litla einbeitingu til þess að læra við þessar aðstæður.  Núna er ég komin suður, stelpurnar fara í skóla sína á morgun, Elvar að vinna og ég út í skóla að LÆRA!!! úfff það er VIKA í skil og ég er komin ALLTOF STUTT......

Finnst þetta svo leiðinlegt, er kvíðin fyrir þessu, efins um að ná þessu og því sorgmætt að klikka á síðustu metrunum...  Það er nú þannig að á þessum tæpum fjórum árum sem ég er búin að vera í þessu námi hefur verið ansi mikið álag, mörg og mikil áföll, en einhvern veginn hef ég komist í gegnum þetta.  Það má ég líka þakka kennurum mínum í KHI, samnemendum sem hafa stutt mig allan tímann og elskulegu fjölskyldu minni, mamma er búin að standa eins og klettur með mér síðustu 2 árin og hefur Elvar einnig hjálpað mér mikið.  Þegar ég byrjaði í skólanum vorum við 28 nemendur, ég var orðin ólétt og gekk meðgangan ekki vel, það blæddi nánast alla meðgönguna og var ég með sýkingar og í fyrstu prófunum var ég send suður vegna mikilla hætta á fyrirburafæðingu.  Ég náði samt öllum prófunum með stæl.  Í janúar 2005 eignaðist ég yndislega stelpu, heilbrigð, falleg og góð.  Hún var ósköp meðfærilegt vildi bara vera í sínu rúmi.  3. vikna skoðaði barnalæknir hana og var hún þá með mikla gulu og þurfti ég að hætta með hana á brjósti um tíma, þá mjólkaði ég mig til að halda mjólkinni, það var verið að útiloka með þessu gulu að lífræðilegum orsökum og greindist hún því með brjóstamjólkurgulu sem er ekki hættuleg. Meðan á þessu stóð var ég ein heima með stelpurnar og mjög kvíðin og hafði miklar áhyggjur að eitthvað alvarlegt væri að.  Að mestu drakk hún úr pela eftir þetta en fékk samt móðurmjólkina því ég mjólkaði mig fyrir hana. 

Í mars fórum við svo í 6 vikna skoðun og þá kom fyrsta alvöru áfallið, eitthvað athugavert var og við sendar suður, pabbi Rebekku á sjónum og ég því ein með hana í þessu.  Eftir þetta hefur Rebekka verið í stöðugu eftirliti, þjálfunum, læknisheimsóknum, veikindum, rannsóknum og hver hefur hjálpað henni með það, jú ÉG!!! Þið megið ekki misskilja mig, guð ég á yndislega stelpur og hef það svo gott, það eru svo MARGIR sem eiga alvarlega veik og fötluð börn, ég er hugsað til elsku Fjólu og Mumma sem hafa barist með syni sínum í rúm 3 ár, sú barátta lauk á mánudaginn og vil ég votta þeim mína innilegar samúðar.  Minnir að ég hafi lesið það einhversstaðar að hann væri búinn að eyða 2/3 úr ævi sinnar á spítala.  Þessir foreldar langveikra barna eru hetjur.

Það er nú bara þannig að þessi 4 ár sem ég hef verið í skólanum þá hefur ALLTAf komið upp mikil veikindi, áföll, álag og því miður mikil leiðindi á próftímum.  Mér finnst því svo leiðinlegt að sjá ekki fyrir endann á lokaritgerðarskrifunum, ég sem langar svo að útskrifast á RÉTTUM TÍMA!!! en svo segir fólk þú getur þetta!!! jájá ég get þetta, ef ég fæ FRIÐ, en hvenær fæ ég frið í eina viku án einhverra uppákomna?  það er mjög sjaldan skal ég segja ykkur :-)  En svo eru aðrir hva, þú útskrifast þá bara í október!!! jájá það er einn möguleikinn, en 14. júní, afmælisdagurinn minn heillar meira.

Jæja ætla að hætta þessu rausi hérna, þurfti greinilega bara aðeins að pústa.  Ætla að koma mér í rúmið því ég verð að vera dugleg á morgun.

kv Elísabet

Fjölskyldan sem missti allt vegna myglusvepps

Kæru vinir

Þar sem þessi kæra fjölskylda sem lenti í því að missa húsið sitt og megnið af innbúi sínu eru mér mjög kær og hafa reynst mér vel, þá ákvað ég að hafa samband við Bylgju og Ívar til að fá samþykki fyrir því að hefja söfnun fyrir þau.

Þau voru með allar tryggingar á hreinu, en tryggingar bæta samt ekki skaðsemi myglusvepps.  Bylgja er búin að vera heilsulaus síðustu ár vegna myglusveppsins og því búin að þurfa að hætta í vinnu og skóla.  

Eftir standa þau uppi með 10 milljóna skuld en engar eignir og húsnæðislaus. 

Þetta var erfið ákvörðun fyrir þau, en ákváðu barnanna vegna að samþykkja að gefa upp reikningsnúmerið.  Heimasætan fær þá kannski fyrr að eignast sitt eigið rúm og jafnvel heimili til frambúðar.  Eldri börnin og barnabarn og bráðum barnabörn fá kannski tækifæri til að heimsækja móðir þeirra á heimili hennar og Ívars.

Ég vona svo innilega að við getum lagst á eitt og hjálpað þeim í þessari baráttu, margt smátt gerir eitt stórt og vona ég að flestir sjái sér fært til að leggja inn, þó svo að það sé ekki nema verðmæti einnar pizzu eða sígarettupakka.

Reikningsnúmerið er 1102-15-9217 Kt. 2410645149

Tökum höndum saman og styðjum þessa fjölskyldu til að koma upp heimili á ný, eftir þennan mikla missi.  Ég veit að þau rifu ekki niður húsið sitt og hentu eignum á hauganna að ástæðulausu, þau neyddust til þess að gera þetta.

Með kærri vinsemd

Elísabet Sóley Stefánsdóttir

Enginn veit hvað dagurinn ber í skauti sér

Ég var rétt að festa svefn eftir að hafa lært alla nóttina þegar ég fékk símhringingu með sorgarfréttum, ég hennti því bókum og drasli ofaní tösku og reddaði mér fari norður.  Knúsaði svo skvísurnar mínar hér á Króknum í gær og fór svo að sofa með yngstu skvísunni enda búin að vaka í rúman sólarhring.

Bækurnar sem ég er að vinna úr fylltu stærstu ferðatöskuna sem ég var með heima  þetta er ekkert smáræði!!  Svo var ég að fá lánaðar 3 BIG bækur hjá sálfræðingi BVS svo já´já og ég á að reyna að lesa og koma þessu niður í þessu ástandi!!! 

Þetta er bara svo ekta ég, þarf alltaf að koma eitthvað alvarlegt uppá þegar álag er hjá mér í skólanum, stundum skil ég bara ekki hvað er hægt að leggja á sumt fólk endalaust!!

En ég er hér fyrir norðan til staðar fyrir elsku skvísurnar mínar sem eiga svolítið erfitt núna og ég reyndar líka  ætla samt að reyna að lesa og vinna í ritgerðinni á milli þess sem tárin streyma

 

Andvökur augum spilla

Er málsháttur minn   frekar fyndið þar sem ég fór nú ekki að sofa fyrir en 09.30 í morgun haha 

Svaf til klukkan 13.00 og fór þá fram og borðaði, las svolítið og dekraði við mig.  Var svo slöpp í maganum að ég ákvað að skríða aftur inní rúm seinnipartinn og svaf þá til klukkan 22.00 jájá var vakin með páskasteikinni haha sem karlinn töfraði fram og ég borðaði með bestu lyst  en það liðu ekki nema hálf tími að ég fékk aftur í magann og er salernisherbergið besti vinur minn núna

ohhh er þetta ekki alveg EKTA ÉG!!! komið á skrið farin að afreka eitthvað en nei þá veikist ég!!  Vona að þetta verði fljótt að fara og ég geti notað orkuna í skrifin. 

Næsta verkefni er HAM - Hugræn atferlismeðferð og er það líka ótrúlega spennandi allt saman, þekki það reyndar svolítið sjálf en það er ekki nóg ég þarf að grúska í erlendum bókum og leita af FRUMHEIMILDUM!!!!

jæja verð að rjúka núna, þangað til næst hafið það GOTT!!